Plantun de Prouvènço

Pèr coumpara dos planto d'encò nostre

Helianthemum apenninum & Chrysopogon gryllus

Helianthemum apenninum

Cistaceae

Noms en français : Hélianthème des Apennins, Hélianthème blanc.

Descripcioun :
Aquesto massugueto que trachis dins la garrigo fai de poulìdi flour blanco à la primo. Li fueio, cendrouso, soun cuberto de péu estela. La massugueto-di-sepalo-vióuleto ié sèmblo proun, mai èi pu pichoto dins tóuti si partido. La massugueto-blanco a de petalo > 10 mm e de sepalo > 6,5 mm (à la flouresoun) e lis estipulo fan de 7 à 10 mm. Coumpara emé la massugueto-di-sepalo-vióuleto que ié sèmblo proun.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenol).

Port : Pichoto planto lignouso
Taio : 5 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1800 m
Aparado : Noun

Liò : Garrigo - Tepiero seco
Estànci : Termoumediterran à Mountagnard
Couroulougi : Pancaro entresigna
Ref. sc. : Helianthemum apenninum (L.) Mill., 1768

Crisoupougoun

Chrysopogon gryllus

Poaceae Graminaceae

Nom en français : Chrysopogon.

Descripcioun :
Aquéu gramenum trachis en mato dins li sablo e marlo bagnado l'ivèr. Fai de làrgis enflourejado à ramo primo que s'acabon emé tres espigueto. La dóu mitan es ermafroudito e longamen barbudo au contro di dos autro, masclo o esterlo, sus si coustat (fotò). Se recounèis peréu à si péu daura qu'engalanton belamen lis espigueto vióuleto. S'avès vist tout acò, i'a pas trop pèr s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,3 à 1,2 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Chrysopogon
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) flour : 5 à 8 mm
Flourido : Printèms - Estiéu

Sòu : Si (Ca)
Autour basso e auto : 0 à 600 m
Aparado : Noun
Jun à juliet

Liò : Tepiero sablouso - Tepiero marlouso
Estànci : Mesoumediterran
Couroulougi : Éurousiberiano-Sud
Ref. sc. : Chrysopogon gryllus (L.) Trin., 1820 (= Andropogon gryllus L. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Helianthemum apenninum & Chrysopogon gryllus

ges

Coumpara Massugueto(-blanco) emé uno autro planto

Coumpara Crisoupougoun emé uno autro planto